Qamar

Beerdilaacshe

Qormo roob helayoo
uu qaaniyeeyoo
ay xareedu qarisaad
qamareey quruxdeeda leedee

qaadirkii ilaahey
qaayo iyo sharaftii
qanjiidho koley tahey
kaama uu qadinine

markaan qamar ku eegaba
qamuunyaa ilagadee

qoortaada dheeree
lagu qorey cabaadhyaha
markaad xageyga
usoo qaloocisaa bey
ma liqdaa i qabataa

^^^^^^^^^^^^^^^^^^^^

Labadaada qaariyo
dhexdu qabasho leedaa
geenyo qeyraba ahoo
loo qaadey heesaad
qotonkeeda leedee

dayax qanimadiisii
aan caadku qariniyo
cirku sagalku qeydiyo
qureyshtii haweenkaay

qadow geed ku yaaliyo
qawlihii magooleey

qoortaada dheeree
lagu qorey cabaadhyaha
markaad xageyga
usoo qaloocisaa bey
ma liqdaa i qabataa

Magool

Qoraxdoo aroortii
qar la soo baxdoo
aan caadku qarinbaad
qumanow qabadeedii ledee
nabi yuusuf quruxdii
qaadirkeenu siiyaa
adna qeyb ka wadataayoo
qeyrkaa ku dhaaftee
hadaan qado anfaaciga
adaan kugu qaboobaa
markaad qunyar dhaqaaqdee
talaabada aad qadee
deymada il qabadka leh
qooraansigeedey
qososhaa nafteyduye

Magool

Waxaan kugu qiyaasaa
ama kugu qadiriyaa
qabri hoose mooyee
qumanow qarnigaba ma noolee
qadaf ku hadli mayee
amaanta aan kuu qirey
waa mid aad u qalantood
qaayo aad ka gaadhee
wax ilaahey kuu qorey
lagaa qaadi maayee
markaad qunyar dhaqaaqdee
talaabada aad qadee
deymada il qabadka leh
qooraansigeedey
qososhaa nafteyduye