156,622 views
Aaminey xusuusnow
inkastoo ayaamahan
arintaadu adag tahey
aadmigu siduu qabo
ama ay aniga ila tahey
Adna aad ogsoontahey
ifka intaan ku noolahey
kaa ooli maayo
In ninkale arooskii
kuu abaabulaanoo
oridiisa noqotana
waa midaan ahaaneyn
Arin waxan ku goynaba
soo ururi taladoo
isu imashadeenii
arbacada habeenkii
afar saac markey tahey
hay inoo ahaatee
aaminaay xusuusnow
Aaminaay xusuusnow
hadal wuxu amaan yahey
intaanad odhanine
afka haduu ka soo baxo
adigu uma arimiside
ummaduu u dhexeeyaa
arkaa qaadna weeyoo
oodiisu kaa rogan
doqontii ismoodee
arooskeed ka heestiyo
indha u garad ha noqonine
iska hubi ujeedadan
Arin waxan ku goynaba
soo ururi taladoo
isu imashadeenii
arbacada habeenkii
afar saac markey tahey
hay inoo ahaatee
aaminaay xusuusnow
Dadku kala ayaan roon
Ama kala aqoon dheer
Ama kala asluub weyn
Hadaan eed la doonayn
Ama deeq Illaahay
Asaraar ka taagnayn
Dadku eexo kaa gelin
Inan yahay la’aantaa
Dumar lama abuureen
Gabadh lama ammaaneen
Jacayl looma ooyeen
Geed beer udgoon iyo
Ku dhex-yaal ugbaadoo
Ubax iyo man fuulaay
Ulihii madheedhkee
Iimey ku yaalliyo
Ilo wada xareedoo
Nafta lagu illaawaay
Dayaxoo iftiimoo
Arladoo dhan gadhoo
Afar iyo tobnaadaay
Qorraxdoo aroortii
Dhulka soo abbaartoo
Sagal iid dhex joogtaay
Waxaad tahay adduunyada
Dhexda udubka haystoo
Xejiyoo adkeeyoo
Af-gobaadsan maayoo
Qurux lama amaahdee
Ashkir geenyo ugubey
Adhaxdiyo laf-dhabartiyo
Sanbabbada agtoodiyo
Ililaha halbowlaha
Eebaa ku mudanoo
Arrintii cuslaatoo
Naftu aammusnaantii
Iimaansan weydoo
Amaleey jacaylkii
Soo dhaafyey uurkoo
Afku haysan waayoo
Goortaan ogaadee
Arammidu dillaacdaan
Ooddii ka leexshee
Axdi jaba abaal luma
Kaa eegi maayee
Igadh iyo maqaarkeed
Innagoo ahaannaan
Hadalkii ku ururshee
Adiguna dheh aammiin