91,747 views
Aasmaay daa’uus la mood
daraan dare dhaayihii
dukhriga kuu eegayoo
Dareemey markey arkeen
indha deerada ahee
Sida dahab maar ku jira
ama dab la shidey habeen
dadkey ka dhex muuqatee
allow ka du il daran
Waxaan kuu daba socdaa
hadaan aqal deyr laheyn
ogow daadkaa u gala
Waxaan kuu daba socdaa
hadaan raggu dumar laheyn
dibjir buu noqon lahaa
Asmaay daa’uus la mood
dabeecada fiicaniyo
badh weeyaan diintuyoo
Waxaad tahey ruux duniyo
dulqaad meel loo dhigee
Hadii dunidaba dhamaan
dumar isu qurux dhigtaan
ileyn dayax baad tahee
adaa lagu daawan laa
Waxaan kuu daba socdaa
hadaan aqal deyr laheyn
ogow daadkaa u gala
Waxaan kuu daba socdaa
hadaan raggu dumar laheyn
dibjir buu noqon lahaa
