Hiif iyo dhibaatiyo
Waa howl aduunyadu
Huqda kuu horseeddee
Hagar daama weyn iyo
Hoosaaso weeyaan
Lagu kala halaabee
Hohey dumarku waa
Har qaboobe damaloo
Hanfiyo dabayl lehe
Hurintii labuun baa
Intay kugu hagaagaan
Samo laga helaayee
Inta kale huf weyaan
Hadba gees ukacayee
Hoheey dumarku
Waa adoo haraadan
Biyo kuu hiraayee
Hoheey dumarku waa
Hed iyo la’ayaan
Ragu ka hari wayee
Hohey dumarku
Waa hawlaha aduunyada
Hilin loo maraayee
Waa kuwa halyeey nin ah
Nacas soo hormariyee
Hanti kugu jeclaadee
Huqda iyo dhibaatada
Kugu soo hagaajee
Hoheey dumarku
Waa adoo haraadan
Biyo kuu hiraayee
Hohoy dumarku waa
Hed iyo la’ayaan
Ragu ka hari wayee
Hoheey dumarkuu
Waa hurgumiyo xanuun
Kugu hoos jiroo
Booraamo hadimiyo
Hogog lagu dhacaayoo
Ku hantaaaqo weeyee
Hal adeyga waa duul
Habeen lagu talaalee
Hoheey dumarku
Waa adoo haraadan
Biyo kuu hiraayee
Hohoy dumarku waa
Hed iyo la’ayaan
Ragu ka hari wayee
Hoheey dumarku
Waa hamo beena iyo
Riyo ku hortimaadee
Waxay hayb wadaagaan
Kolba dunida heerkii
Galabtaa hilaacee
Marba waxa horjooga
Ayaga u hagaagsan
Hoheey dumarku
Waa adoo haraadan
Biyo kuu hiraayee
hohoy dumarku waa
Hed iyo la’ayaan
Ragu ka hari wayee
